Velkomen til Syvde Idrettslag si nettside!

Syvde Idrettslag held til i Syvde, ei bygd i Vanylven kommune på Sunnmøre. Bygda ligg innerst i Syvdefjorden som er ein typisk vestlandsfjord omkransa av relativt høge fjell. Høgaste fjellet er Blæja med 1142 m.o.h. Frå Syvde går det tre dalføre: Nordalen, Røfsdalen og Sørdalen. I desse dalføra endar vegen på omlag 300 m.o.h. og er eit fint utgangspunkt for fjellturar.  

Idrettslaget eig og driv Vanylven skisenter Øverberg med eit lite skitrekk og innbydande turløyper for heile familien. Idrettslaget står og som arrangør av motbakkeløpet "Blåfelden rett opp". På heimesida vår vil du finne oversikt over aktivitetar idrettslag driv, som blandt anna trimgrupper, fjellturar, aktivitetar ved Vanylven Skisenter Øverberg og motbakkeløpet "Blåfelden rett opp". Du vil og finne mange bildereportasjer frå turar i våre fantastiske fjellområde som vi håper kan inspirere fleire til å besøke Syvde og naturen rundt. 

I so fall ynskjer vi i Syvde Idrettslag: Velkomen og God tur! 

I søkefeltet til venstre kan du søke etter f.eks. namn, dato, årstal eller det du måtte leite etter.

*********************** 

Flott julegåve til idrettslaget: Eit par dagar før julekvelden fekk vi beskjed om at AF gruppen støttar trakkemaskina med kr. 15.000.-

Vi takkar hjertligst for gåva.

-------------------------------------------- 

Her er skrytevideoen frå "Blåfelden rett opp" 2011.

----------------------------- 

 Nyttårsafta inviterte idrettslaget i samarbeid med Fargerike til spesiell nyttårsfeiring på Eikremsnakken. Utstyr vart køyrdt opp til Eikremsnakken på ettermiddagen etter at vermeldinga var studert. Det var ein del vind i høgfjellet,

 3. juledag 2011 vart det arrangert Nissemarsj med start frå Vidaregåande skule til utsiktspunktet på skogsvegen på Brekke. Det var ikkje stort frammøte, det skuldast kanskje orkanen "Dagmar" sine herjingar 1. juledag.

"Hit the bunny" var eit populært innslag på Kosterikjedagane 2011. (klikk på biletet og sjå video)

 På årsmøtet i 2011 vart det vedteke å starte opp ei paintballgruppe i idrettslaget sin regi. Det var mange unge som var tende på ideen og hvis dette kunne vere med på å skape meir trivsel i bygda so var årsmøtet positive til forslaget. 

 

    

    OPPSUMMERING AV KRONERULLINGA TIL INNKJØP AV NY TRAKKEMASKIN PÅ VANYLVEN SKISENTER ØVERBERG.

Det er på tide å oppsummere kronerullinga som vart starta våren 2011 for å finansiere trakkemaskine på Øverberg. Finansieringa er no nesten i boks og idrettslaget vil derfor takka alle som har gitt eit bidrag.