Premieutdeling Fjelltrimmen 2026

Årets Fjellgeit og Fjellbukk samla i Lisjerøfsdalen med Røfsdalsnipa i bakgrunnen.

Søndag vart det arrangert fellestur til Lisjerøfsdalen med premieutdeling i Fjelltrimmen 25-26. Etter utdelinga var det tur til den nye trimposten på Røfsdalsnipa. Det var dessverre dårleg oppmøte på arrangementet, men dei som deltok fekk ein fin tur i fint haustver uten ein regndråpe. 

Årets Fjellgeit har besøkt alle 12 postane opptil fleire gongar denne sesongen, Sølvi har registrert 71 turar i appen Georeg. Flest turar til Lisjeblæja (12) og Lisjerøfsdalen (24).

Årets Fjellbukk har sjølvsagt også besøkt alle 12 postane fleire gongar med 146 (!) registrerte turar, og John Willy har flest turar til Høgenipa (19) og Trygesteinen (71).

June Ystebakk stod for trekninga av ein heldig fjelltrimmar som har besøkt alle postane minst ein gong i løpet av sesongen. Den heldige vart Tone Sørdal.

Alle vinnerane fekk utdelt kvar sitt gåvekort frå Alti Ørsta pålydande kr.1500.-

Klikk på linken under for å sjå lista over alle som har brukt Georeg på Syvde IL sin Fjelltrim.

Registreringar Georeg 25-26.pdf